திருவேள்விக்குடி கல்யாண சுந்தரேஸ்வரர் மணவாளேஸ்வரர்

மூலவர்: கல்யாணசுந்தரேஸ்வரர் மணவாளேஸ்வரர்

அம்பாள் : பரிமள சுகந்தநாயகி தீர்த்தம் :பரிமள/கௌதுகபந்தன

ஸ்தல விருக்ஷம் : வில்வம்

பாடல் : சம்பந்தர் சுந்தரர் சுயம்பு தேவார பாடல் பெற்ற சிவாலயம் சோழநாட்டு & காவிரி வடகரை ஸ்தலம் 23

ஸ்தல சிறப்பு

°°°°°°°°°°°°°°°°°°°°°°°°°°°

திருவருவிக்குடி புராணங்களில் ஒரு சிறந்த இடத்தை பெறுகிறது

புராணங்களுடன், அருகில் உள்ள சிவாலயங்களுடனும் தொடர்புள்ளது.

* தேரழுந்தூரில் சாபம் பசுவாக

* திருக்கோளம்பியம் சிவனை வழிபட்டு

* திருவாவடுதுறை சுயரூபம் பெற்று

* திருத்துருத்தி பரத முனிவரின் குழந்தையாக

* எதிர்கொள்பாடியில் சிவபெருமானை அவரது மாமனார் பரதமுனிவர் மருமகனாக வரவேற்க

* திருவேள்விக்குடியில் யாகம் வேள்வி உள்ளிட்ட திருமண நிகழ்ச்சிகள் நடைபெற்றன. சிவபெருமான் மற்றும் பார்வதி தேவி, பூவுலகில் கங்கணம் கட்டினார்.

* திருமணஞ்சேரியில் திருமணம்

ஸ்தல பெருமை

°°°°°°°°°°°°°°°°°°°°°°°°°°°°°°°

ஒரு பக்தியுள்ள இளம் இளவரசனுக்கும், ஒரு பெண்ணிற்கும் நிச்சயதார்த்தம் நடக்கிறது. அவளது பெற்றோர்கள் திருமணத்திற்கு முன்பே இறந்து விடுகின்றனர். அவளது உறவினர்கள் திருமணத்தை மறுத்து விடுகின்றனர். இளவரசன் இங்கு சிவபெருமானை வேண்டினான். சிவபெருமான் தனது பூதகணங்களை அனுப்பி மணப்பெண்ணை அழைத்து வந்து திருமணத்தை நடத்தி வைத்ததாக நம்பப்படுகிறது. ஆதலால் இறைவன் கல்யாண சுந்தரேஸ்வரர்.

அகத்தியர் இங்குள்ள இறைவனை வழிபட்டு வாதாபியை கொன்றதன் சாபத்தை நீங்கினார்.

சுந்தரர் குளத்தில் நீராடி தன் வெண்குஷ்ட நோயில் இருந்து விடுபட்டார்.

ஸ்தல வரலாறு

°°°°°°°°°°°°°°°°°°°°°°°°°°°°°°°°

ஒருமுறை பார்வதிதேவி பூமியில் பிறக்கும்படி சபிக்கப்பட்டார். அவர் பரத முனிவரின் காமேஷ்டி யாகத்தின் நெருப்பிலிருந்து தோன்றியதாக நம்பப்படுகிறது. பரத முனிவர் அவளை தனது சொந்த மகளாக வளர்த்தார்.

பார்வதி தேவி சாப விமோசனம் பெறவும், மீண்டும் சிவபெருமானை திருமணம் செய்யவும் தொடர்ந்து 16 திங்கள் கிழமைகள் கடுமையான தவம் செய்தார். அவள் தவத்திற்காக

மணலை கொண்டு லிங்கம் செய்தாள். 17வது திங்கட்கிழமை இறைவன் அவள் முன் மணவாளேஸ்வரராக தோன்றி அவளை மணப்பதாக உறுதியளித்தார்.

அவள் வளர்ந்து திருமண வயதை அடைந்ததும், முனிவர் சிவபெருமானிடம் தன் மகளுக்கு பொருத்தமான மணமகனை கண்டுபிடிக்க உதவுமாறு வேண்டினார். அவரது பிரார்த்தனைக்கு பதில் அளித்த பெருமான், அவர் முன் தோன்றி அவரது மகளுக்கு விரைவில் திருமணம் என்றும், மேலும் அவள் வேறு யாருமல்ல, பார்வதி தேவியே என்றும் கூறினார். பூமியில் அவள் தோன்றியதற்கு காரணம், பூமியில் திருமணம் செய்து கொள்ளும் அவள் விருப்பத்தையும் விளக்கினார்.

பார்வதி தேவியுடன் சிவபெருமான் பூவுலகில் திருமணம் செய்ய (யாகம்) வேள்வி இங்கு நடத்தப்பட்டதால் இத்தலம் திரு வேள்விக்குடி. பிரம்மதேவன் சடங்குகளை நடத்த, சிவபெருமான் பார்வதி தேவிக்கு “கங்கணா தாரணம்” ( இடது கையில் கட்டப்படும் மங்கள நூல் ) கட்டினார். எனவே இந்த இடம் “கௌதுகபந்தன க்ஷேத்தரம்” என்றும் அழைக்கப்பட்டது. பார்வதி தேவி தனது திருமணத்திற்கு முன்பு, இக்கோயிலின் குளத்தில் நீராடியதால், இக்குளம் கௌதுக பந்தன தீர்த்தம்.

ஸ்தல சிறப்பு தகவல்கள்

°°°°°°°°°°°°°°°°°°°°°°°°°°°°°°°°°°°°°°°°°°°°

மூலவர் அம்பாள் சன்னதி தவிர வலஞ்சுழி விநாயகர் முருகர் நடராஜர் அகத்தியர் நால்வர் ஈசான மூர்த்தி கஜலட்சுமி ராமர்+, சூரியன் பைரவர் சன்னதிகள் உள்ளன.

இக்கோயில் நவக்கிரகங்கள் பிரம்மா நடத்தும் யாகத்தில் கலந்து கொண்டதால் சன்னதி இல்லை. அர்த்தநாரீஸ்வரர் சிலை வலது பக்கத்தில் பார்வதி தேவியுடன் காட்சியளிக்கிறது.

நடராஜர் சிலைக்கு மேலே சிவபெருமான் பார்வதி தேவி திருமணத்தை சித்தரிக்கும் அழகிய திருவுருவம் காணப்படுகிறது. இறைவன் தனது வலப்பக்கம் அம்மனின் வலது கரத்தை பற்றி உள்ளார். திருமணத் தடைகள் நீங்க வணங்கி வரம் பெறுகிறார்கள்.

பிரார்த்தனைகள்

°°°°°°°°°°°°°°°°°°°°°°°°°°°°°°°°°

திருமணத் தடைகள் நீங்க

தோல் நோய்கள் குணமாக

திருவிழாக்கள்

°°°°°°°°°°°°°°°°°°°°°°°°°°°°°°

மஹா சிவராத்திரி

பங்குனி உத்திரம்

ஐப்பசி அன்னாபிஷேகம்

திருக்கார்த்திகை மற்றும்

பிரதோஷம் பௌர்ணமி சிறப்பு

வழிபட்டோர்

°°°°°°°°°°°°°°°°°°°°°°°°°°°

பார்வதிதேவி பிரம்மா நவகிரகங்கள் பரதமுனிவர் சுந்தரர் சம்பந்தர் சேக்கிழார்

அமைவிடம் நேரம் தொடர்பு

°°°°°°°°°°°°°°°°°°°°°°°°°°°°°°°°°°°°°°°°°°°°

குத்தாலம் உத்தவேதீஸ்வரர் கோவில் அருகில் உள்ளது 2.5KM

இங்கிருந்து அஞ்சலாறு தாண்டியதும் 500ம்.

மாயவரத்தில் இருந்து 10KM, மகாராஜபுரம் பாதையில் உள்ளது.

7AM – 11AM, 5PM – 7PM

99437 99644 ராஜேஷ் குருக்கள்

கோவில் தேவார பதிகம்

°°°°°°°°°°°°°°°°°°°°°°°°°°°°°°°°°°°°°°°°°°

ஓங்கிமேல் உழிதரும் ஒலிபுனற்

கங்கையை ஒருசடைமேற்

தாங்கினார் இடுபலி

தலைகலனாக்கொண்ட தம்மடிகள்

பாங்கினால் உமையொடும் பகலிடம்

புகலிடம் பைம்பொழில்சூழ்

வீங்குநீர்த் துருத்தியார் இரவிடத்

துறைவர்வேள் விக்குடியே. 1

ஞானசம்பந்தர்