திருக்கோலக்கா சப்தபுரீஸ்வரர் தாளபுரீஸ்வரர்

மூலவர் : தாளபுரீஸ்வரர் சப்தபுரீஸ்வரர்

அம்பாள் : ஓசைகொடுத்த நாயகி த்வனி பிரதாம்பாள்,

ஸ்தல விருக்ஷம் : கொன்றை

தீர்த்தம் : சூரிய ஆனந்த தீர்த்தம்

பாடல் : சம்பந்தர் சுந்தர

புராணப் பெயர் : சப்தபுரி, தாளமுடையார் கோயில், சுயம்பு தேவார பாடல் பெற்ற சிவாலயம் 69, சோழ நாட்டு & காவிரி வடகரை ஸ்தலம் 15.

ஸ்தல சிறப்பு

°°°°°°°°°°°°°°°°°°°°°°°°°°

இங்கு மஹாவிஷ்ணுவுடன் மஹாலக்ஷ்மியின் திருமணம் நடந்ததாக நம்பப்படுகிறது. ஆதலால் திருக்கோலக்கா.

சிவபெருமான் தங்க தாளங்களை கொடுத்தார். ஆனால் அதில் ஒலி உட்செலுத்தியது பார்வதி தேவி.

பேச்சுத் திறன் குறைபாடு உள்ளவர்கள் இங்கு வந்து அம்மன் பாதத்தில் தேன் வைத்து பூஜை செய்த பின் தேனை உட்கொள்ளலாம். இவ்வாறு செய்வதன் மூலம் பக்தர்களின் பேச்சு கோளாறுகள் நீங்கும். காணிக்கையாக தங்கத் தாளங்களை செலுத்துகிறார்கள்

ஸ்தல பெருமை

°°°°°°°°°°°°°°°°°°°°°°°°°°°°°°

1979 – குழந்தை பேசியது, தந்தை தங்கத்தாளம் செலுத்திய ஆவணம் உள்ளது. கோவிலில் இதுபோன்ற அற்புதங்களின் பட்டியலும் உள்ளது. இதுவரை சுமார் 473 சம்பவங்கள் பதிவு செய்யப்பட்டுள்ளன.

ஸ்தல வரலாறு

°°°°°°°°°°°°°°°°°°°°°°°°°°°°°°

சீர்காழியில் பார்வதி தேவியால் ஞானப்பால் கொடுக்கப்பட்ட ஞானசம்பந்தர், சிவனின் அருளை பெற்ற ஞானசம்பந்தரின் முதல் சிவாலய தரிசனம் இதுவாகும்.

ஞானசம்பந்தர் இங்கு தனது பதிகம் பாடி, பரவசத்தில் கைதட்டிக் கொண்டிருந்தபோது, குழந்தையின் கைகள் வலியால் சிவந்திருப்பதை கவனித்த சிவபெருமான், குழந்தைக்கு 2 தங்க தாளங்கள் கொடுத்தார்.

2 தங்க தாளங்கள் தட்டுவதால், எந்த ஒலியும் வராது என்பதால், அவர் தட்டும் பொழுது சத்தம் வரவில்லை. குழந்தைக்குப் புரியவில்லை. பார்வதி தேவி தெய்வீக சக்தியை அவற்றில் செலுத்தி, இசைக் குறிப்புகளை உருவாக்கினாள். ஆகவே சுவாமி தாளபுரீஸ்வரர், அம்பாள் ஓசை கொடுத்த நாயகி.

ஸ்தல சிறப்பு தகவல்கள்

°°°°°°°°°°°°°°°°°°°°°°°°°°°°°°°°°°°°°°°°°°

கோவிலின் எதிரில் திருக்குளம் ஆனந்த தீர்த்தம். முகப்பு வாயிலின் மேற்புறத்தில் வண்ணச் சுனையில் ரிஷபாரூடர் தரிசனம். நுழையும் போது நால்வர் அதிகார நந்தி சன்னதிகள் உள்ளன.

பிரகாரத்தில் விநாயகர் சோமாஸ்கந்தர் சுப்பிரமணியர் மஹாலஷ்மி சனிபகவான் பைரவர் சூரியன் சன்னதிகள். உள் மண்டபத்தின் வலப்பால் உற்சவ திருமேனிகள் பாதுகாப்பாக வைக்கப்பட்டுள்ளன. நடராஜ சபை உள்ளது.

ஓசை கொடுத்த நாயகி, நின்ற கோலத்தில், தனிக்கோயில் கொண்டுள்ளாள். ஞானசம்பந்தர் பொன் தாளத்தை இரு கைகளிலும் ஏந்தி நிற்கும் உற்சவ திருமேனி தரிசிக்கத்தக்கது. ஞானசம்பந்தருக்கு மற்றொரு சிலை உள்ளது. அதில் அவர் ஒரு கோப்பையுடன் உள்ளார். கோஷ்ட மூர்த்தங்களாக விநாயகர் தக்ஷிணாமூர்த்தி லிங்கோத்பவர் பிரம்மா துர்க்கை ஆகியோர் உள்ளனர்.

பிரார்த்தனைகள்

°°°°°°°°°°°°°°°°°°°°°°°°°°°°°°°°

இசையில் சிறந்து விளங்கவும், குரல் வளம், பேச்சுத் திறன் பெருகவும் இறைவனிடம் பிரார்த்தனை.

திக்குவாய் உள்ளவர்கள், பேசும் திறன் மற்றும் ஓசை சார்ந்த குறைபாடுகள் உள்ள குழந்தைகள் இயல்பாகப் பேச ஓசை கொடுத்த நாயகியிடம், “ஜடப்பொருளுக்கு, தாளத்துக்கு ஓசை கொடுத்த நாயகியே! பேச்சு சக்தியை கொடு” என தேன் வைத்து வேண்டிக் கொள்கிறார்கள்.

ஞானம் மற்றும் கல்வி பெற பிரார்த்தனை.

திருவிழாக்கள்

°°°°°°°°°°°°°°°°°°°°°°°°°°°°°°

சித்திரை திருவாதிரை நட்சத்திர நாளன்று ஞானசம்பந்தருக்கு பொன்தாளம் வழங்கும் ஐதீக பெருவிழா மிகச் சிறப்பு.

சீர்காழி சட்டை நாதர் கோயிலில் திருமுலைப்பால் உற்சவம் நடைபெறும்.இரண்டாம் நாள் பால் உற்சவத்திற்குப் பிறகு, திருஞானசம்பந்தர் திருக்கோலக்கா தலத்திற்கு பூப்பல்லக்கில் எழுந்தருளுவார். அன்று இரவு சிவபெருமான் சம்பந்தருக்கு பொன்தாளம் (பொற்காளம்) வழங்கும் ஐதீக நிகழ்ச்சி நடக்கும். மறுநாள் காலை சம்பந்தர் மீண்டும் பூப்பல்லக்கில் சீர்காழி திரும்புவார்.

கார்த்திகை மாதம் ஞாயிறு தோறும் தீர்த்தவாரி நடக்கிறது.

வைகாசி மாதத்தில் பிரம்மோற்சவம், பிரதோஷம் சிறப்பு.

வழிபட்டோர்

°°°°°°°°°°°°°°°°°°°°°°°°°°

மஹாவிஷ்ணு, மஹாலக்ஷ்மி இந்திரன், சூரியன், அகத்தியர், கண்வ மஹரிஷி, சம்பந்தர், சுந்தரர், அப்பர், நம்பியாண்டார் நம்பி, சேக்கிழார் முதலியோர்..

அமைவிடம்,நேரம்,தொடர்பு

°°°°°°°°°°°°°°°°°°°°°°°°°°°°°°°°°°°°°°°°°°°°

1 KM ONLY from சீர்காழி.

7.30AM – 11.30 AM, 5PM – 8PM

98658 85780 கார்த்திகேயன் சிவாச்சாரியார்

96980 09631 ஞானமணி குருக்கள்

குருக்களை அழைத்துவிட்டு சொல்வது சிறப்பு.

கோயில் தேவார பதிகம்

°°°°°°°°°°°°°°°°°°°°°°°°°°°°°°°°°°°°°°°°°°

மடையில் வாளை பாய மாதரார்

குடையும் பொய்கைக் கோலக் காவுளான்

சடையும் பிறையுஞ் சாம்பற் பூச்சுங்கீழ்

உடையுங் கொண்ட வுருவ மென்கொலோ. 1

ஞானசம்பந்தர்